Հայաստանի դեսպանությունը հյուրընկալեց Ժնևի «Թոփալյան» դպրոցի սաներին

18 դեկտեմբերի, 2019

Դեկտեմբերի 18-ին Շվեյցարիայում Հայաստանի դեսպանությունը Ամանորի և Սուրբ Ծննդյան տոների կապակցությամբ հյուրընկալեց Ժնևի «Թոփալյան» դպրոցի սաներին և ուսուցիչներին։
Միջոցառմանը ներկայացվեցին հայկական մանկական երգեր և պարեր։ Ժնևի «Միասին» հիմնադրամի ջանքերով երեխաներին ներկայացվեց Հովհաննես Թումանյանի հեքիաթների տիկնիկային բեմականացում։ Աշակերտների տոնական տրամադրությունը բարձրացրեց հայկական Ձմեռ Պապը։
ՅՈւՆԵՍԿՕ-ի՝ Հռչակավոր մարդկանց և կարևոր իրադարձությունների 2019 թվականի միջոցառումների շրջանակում Հովհաննես Թումանյանի 150-ամյակի կապակցությամբ «Թոփալյան» դպրոցի սաներին դեսպանությունը նվիրեց Թումանյանի հեքիաթների ժողովածուն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր